因為呢個話題幾乎成為每位想減肥既最頭痕既問題！
如果你有從任何方法途徑去減肥，其實你既目標離你不遠！至少你肯去行動，去念計點樣去
減！只係你差在個方向同方法點樣去減，減完之後點樣去ｋｅｅｐ！
以香港人咁急促既生活，減肥當然要 快！靚！正！最快既緊係行偏門方法：節食，食藥，
打針，抽脂，係絕到減到肥又快。但呢Ｄ只係治標唔治本既方法，仲要考慮埋長遠對身體既
損秏。相信大家既身邊朋友或自己都嘗試過呢Ｄ偏門方法，千篇一律都係減完之後停左排好
快又反彈返未節食之前既身形甚至更加肥！
好多人以節食，食藥等等呢Ｄ方法減肥，以為體重既減少係源於脂肪，咁念係大錯特錯。其
實輕左大部份係輕係水份同肌肉，肌肉會直接影響你地既新陳代謝率，而基楚代謝率會大大
影響到燒脂速度。
基礎代謝率（ＢＭＲ）＜———講緊係你每日唔郁身體既器官＋肌肉會幫
你消秏幾多ＫＣＡＬ。就等於你部電話咁就算你唔禁佢，佢入面Ｄ ＡＰＰＳ都係ＲＵＮ
緊，當Ｄ ＡＰＰＳ愈多，舊電就會消秏得更快。Ｄ ＡＰＰＳ就等於你既身體機能＋肌
肉，但你唔會無啦啦比其他人多左個心或者多左個肺架ＭＡ，咁所以只有你肌肉多左先會幫
你提升ＢＭＲ，肌肉多左自然消秏到更多ＫＣＡＬ！
減肥除左講ＢＭＲ，仲要睇埋＂ＯＵＴＰＵＴ ＩＮＰＵＴ＂。ＯＵＴＰＵＴ係講緊全日既
ＢＭＲ＋額外消秏量，即係你全日總消秏到幾多ＫＣＡＬ。ＩＮＰＵＴ係講緊你每日食野攝
取到幾多ＫＣＡＬ。
節食：
當你ＢＭＲ１３００ＫＣＡＬ＋返工行行企企消秏到大約３００ＫＣＡＬ＝ＯＵＴＰＵＴ
１６００ＫＣＡＬ。再到你既ＩＮＰＵＴ全日只食３個烏冬大約食左３００ＫＣＡＬ。
咁你就會計數，１６００ＫＣＡＬ—３００ＫＣＡＬ＝１３００ＫＣＡＬ 咁我咪消秏左
１３００ＫＣＡＬ，咁咪減到肥咪瘦左囉。如果係有咁易既話呢個世界無肥人啦！當你身體
唔夠能量去提供返你既消秏量，佢第一時間唔係穩脂肪作為提供既能量，佢係穩一Ｄ最快
可以提供到既能量＝你肌肉入面既糖份。因為你每行一步每做一個動作都係靠緊舊肌肉，唔
係用緊你舊脂肪去郁。就好似你銀包無錢，你會第一時間去禁錢，唔會反屋企慢慢打開個夾
萬拎錢，除非你銀行都無曬錢先至會咁做。等於用完肌肉既能量先會焗住去消秏脂肪（後
備能量）
節食會消秏到少數脂肪，但消秏得最多既係水份同埋肌肉。因為你長期提供唔到能量比身
體，你個人會好無力好攰，咁身體會自動調節降低ＢＭＲ，等你個人唔會長期處於ＣＨＥＲ
到盡好攰既狀態。但你唔會跌左個胃或個肺去黎去降低ＢＭＲ，咁身體就會自動幫你分解全
身既肌肉降低返ＢＭＲ。但睇返上面紅色果段係講緊ＢＭＲ係會最直接影響到你燒脂速度。
同埋無人可以一世節食，點都會有堅持唔到既一日，當你食返正常食量既時侯，ＢＭＲ咁低
消秏唔到食物既ＫＣＡＬ，變相剩低既又儲存返為脂肪。
肌肉流失鎖唔住水份，所以節食輕得最多係肌肉同水份，水份唔夠仲會令到皮膚變乾，新陳代謝
變慢，個黑眼圈愈黎愈大。
總括節食或一Ｄ偏門減肥方法，係減唔到脂肪，只係減左Ｄ幫助我地減肥有益既野！做運動
先係最有效益。
下一章會同大家講下點樣做運動先減到肥，點解跑步都會反彈得咁快？
